Red & Red

ULAP

Mapaglaro ang hangin…kung kailan nakabuo ka na ng magandang imahe sa mga ulap saka naman nito hihipan at buburahin.

<Lola’s Garden, Eden, Davao City>

TAGLAGAS

Napaaga ata ang iyong pagdating…tag-init ko’y hindi mo man lamang hinintay na matapos…kasiyahan ko’y hindi mo man lamang nilubos.

<Eden, Davao City>

IKATLO

Sa isang sayaw na para sa dalawa, pinakalugi ang pangatlo.

<Punta Dumalag, Davao City>

BERDE

Ihulog ang mga kamay at hayaan maglaro sa damuhan, mga daliring nangungulila sa kalayaan…

<Playa Azalea, Samal>

TAG-INIT

Tumatagaktak na pawis at mamasamasang baso—ala-ala ng tag-init inihipan ng hangin patungo sa aking ulo.

<Playa Azalea, Samal>

APAK

Walang puwang ang mapagmataas sa pag-ibig…sarili man ay kayang apakan.

<Villa Amparo, Camudmud, IGACoS>

NAKAW-PUSA

Hinay-hinay nang ‘di mapansin…hawak-hawak ko na, ‘di na sa iyo, ito ay akin.

<Sta. Cruz, Davao del Sur>

ESPADA

Ang mga salitang nabitiwan, hindi na maisusubong muli. Tagos-dibdib, nakakamatay ng gana.

<Sarangani Highlands>

OO

Isang sagot lang…Isang letrang paulit-ulit. Sige na.

<Eden, Davao City>

BIGKIS

Gaano man kabilis lumipas ang panahon, tandaan natin ang mga pangakong binitiwan—mga pangakong bigkis sa kung anong mayroon tayo ngayon.

<Sta. Cruz, Davao del Sur>

PATULOY ANG BUHAY

May mga araw na lumilipas lamang; ni hindi mo maalala kung anong nangyari sa araw na iyon. Kay sarap balikan nang malaman, pero para saan pa? Ang mga araw na iyon ay lumipas na…hanngang dito na lang sana, nakayuko na ako para sa mga bukas na darating pa.

<Sta. Ana Wharf, Magsaysay, Davao City>

SA DAMUHAN

Ang pagkaparepareho nakakagawa ng nakakamanghang disenyo. Ang mga paulit-ulit na hugis at bilang subukang tingnan mula sa malayo.

<Toril, Davao City>

BIAK BUKO

Sa mundong puno ng kalahating buko, nakakamangha isiping may nakalaang para sa iyo.

Maligayang Pebrero sa lahat! :)

<ISLA RETA, TALICUD ISLAND>

BANGKANG PAPEL SA TUYO NA DAGAT

Magkalapit ngunit walang patutunguhan…mga bangkang papel na sa tubig inaasa ang pagkilos, magkakadampi pa ba kung ang dagat ay wala na?

<Isla Reta, Talicud Island>

TSUBIBO

Sakay na, sakay na—kung kailan ka bababa, walang nakakaalam. Ang tsubibo ng buhay.

<Enchanted Kingdom>